Festival Intercultural

Este sábado 19 de febreiro o Centro Cultural e Artístico Rueiro de Coia organiza o seu I Festival Intercultural a partir das 20:00h no salón de actos do complexo parroquial Cristo da Victoria.

A Agrupación de Centros Deportivos e Culturais de Vigo colabora estreitamente no patrocinio deste i Festival Intercultural de Vigo que contará coa participación dos grupos: Asoc. Alma Llanera (Ourense), Aida-África (Vigo), Asco. Machu Pichu (Vigo) e Asoc. Madres Latinas (Vigo)

O Centro Cultural e Artístico Rueiro de Coia pretende, coa realización deste Festival Intercultural, poñer de manifesto as cada vez máis formas culturais existentes na nosa cidade non só dos inmigrantes, senón tamén dos emigrados retornados. Pásate a coñecer diversas variedades culturais a próximo sábado 19 a partir das 20:00h