A Agrupación de Centros Deportivos e Culturais de Vigo, seguimos co noso obxectivo de difundir a cultura por toda a cidade de Vigo. Nesta ocasión facémolo grazas o convenio que firmamos co concello de Vigo.
O noso presidente Roberto Giráldez e o alcalde de Vigo Abel caballero, firmaron onte un convenio de 13500 euros, para a realización de 34 actuacións de grupos de canto e música tradicional galega e 6 actuacións de teatro.
Todas estas actuacións serán realizadas por grupos da cidade de Vigo, grupos dos colectivos que forman a Agrupación de Centros Deportivos e Culturais de Vigo. Estas actuacións terán lugar polas parroquias e o centro de Vigo.
"A Semana de Teatro Afeccionado" e "Vente con nós", son os programas financiados por este convenio. 17 grupos tradicionais galegos e 6 de teatro, serán os que nos ofrecerán o seu espectáculo en diferentes zonas desta cidade, o largo deste ano 2013.
No hay comentarios:
Publicar un comentario