Campaña de recollida de xoguetes, na SCDR Helios de Bembrive

Coa chegada das navidades, todo o mundo pensa nos agasallos; as ceas; as comidas e os xoguetes para os seus fillos. Pero por desgraza, hai moitos nenos e nenas, que debaixo das súas árboeres de Nadal, Papá Noel e os Reis Magos, non deixarán nada. Aínda que non o creamos, hai moitas familias que non poden comprarlle agasallos os seus cativos, pois os medios económicos non llo permiten. Nada lle faría máis ilusión a estes pais e nais, que ter algo, por moi pequeno que sexa, co cal sorprender e facer felices os seus fillos.

Para poder axudar a estas familias, non temos máis, que achegarnos a SCDR Helios de Bembrive, e donar algúns dos xoguetes que temos pola casa, aínda que estén usados.
Cantos de nós temos habitacións e trasteiros cheos de xoguetes, os cales levan anos sen ser usados. O que non sabemos, e que gracias a cada un destes xoguetes, moitos nenos podrán sorrir, e non perder o sentimento de maxia e felicidade que nos enche a todos por estas datas.
Acheguémonos a oficina desta sociedade, e fagamos sorrir a todos eses nenos e nenas, que cun simple e vello xoguete para nós, serán felices e disfrutarán unha longa tempada.